Կալիֆոռնիայում մարիխուանայի ֆերմայում ներգաղթի ծառայությունների գործողության ժամանակ մեկ աշխատող է մահացել, հարյուրավոր մարդիկ՝ ձերբակալվել

Կալիֆոռնիայի Glass House Farms մարիխուանայի ֆերմայում իրականացված ներգաղթի ծառայությունների գործողության արդյունքում մահացել է մեկ աշխատող, իսկ մոտ 200 անօրինական ներգաղթյալ՝ ձերբակալվել։ Մահացածը՝ Խայմե Ալանիսը, ստացել էր մահացու վնասվածքներ՝ մոտ 9 մետր բարձրությունից ընկնելուց հետո։ Ընտանիքը հաստատել է նրա ինքնությունը և նախաձեռնել դրամահավաք՝ հուղարկավորության ծախսերը հոգալու համար։

ԱՄՆ Ներքին անվտանգության նախարարությունը հայտնել է, որ Ալանիսը չի հետապնդվել, սակայն բարձրացել է ջերմոցի տանիք և վայր ընկել։ Նույն վայրում հայտնաբերվել են 10 անչափահաս միգրանտներ, և այժմ ընթանում է նախաքննություն՝ երեխաների աշխատանքային շահագործման կասկածով։

Իրավապաշտպան կազմակերպությունները տեղեկացրել են, որ որոշ աշխատողներ կարողացել են կապ հաստատել ընտանիքի հետ միայն այն դեպքում, երբ ստորագրել են կամավոր արտաքսման համաձայնագիր։ Որոշ ԱՄՆ քաղաքացիություն ունեցող աշխատողներ ազատ են արձակվել միայն այն բանից հետո, երբ հեռացրել են գործողության տեսանյութերը իրենց հեռախոսներից։ Դաշնային դատարանը ժամանակավորապես արգելել է ներգաղթյալների՝ ռասայական նշաններով ձերբակալման և նրանց փաստաբանի հասանելիությունից զրկելու գործելակերպը։