ՌԴ և ՉԺՀ արտգործնախարարները քննարկել են հարաբերություններն ԱՄՆ-ի հետ և ուկրաինական ճգնաժամի կարգավորումը
Հասարակություն
Ռուսաստանի և Չինաստանի արտգործնախարարներ Սերգեյ Լավրովը և Վան Ին քննարկել են հարաբերություններն ԱՄՆ-ի հետ և ուկրաինական ճգնաժամի կարգավորումը, հայտնում է ՌԴ ԱԳՆ մամուլի ծառայությունը։
Բանակցությունները տեղի են ունեցել հուլիսի 13-ին Պեկինում, ուր Լավրովը ժամանել էր Շանհայի համագործակցության կազմակերպության (ՇՀԿ) արտաքին գործերի նախարարների խորհրդի նիստին մասնակցելու համար։
«Նախարարները գոհունակություն են հայտնել ռուս-չինական համապարփակ փոխգործակցության դրական դինամիկայի կապակցությամբ, խորությամբ քննարկել են երկկողմ օրակարգը՝ շեշտը դնելով Մոսկվայում կայացած մայիսյան գագաթնաժողովի իրականացման վրա։ Կողմերն անդրադարձել են նաև Ռուսաստանի և Չինաստանի գործնական փոխգործակցության հարցերին, ներառյալ դրանց հումանիտար բաղադրիչը»,- նշվում է հաղորդագրության մեջ։
Ինչպես հայտնում են ՌԴ ԱԳՆ-ից, մտքերի խորը փոխանակում է տեղի ունեցել Շանհայի համագործակցության կազմակերպության շրջանակներում փոխգործակցության հարցերի շուրջ։ Հատուկ ուշադրություն է դարձվել ՇՀԿ անդամ պետությունների ղեկավարների խորհրդի առաջիկա նիստի, ինչպես նաև «ՇՀԿ պլյուս» ձևաչափով բարձր մակարդակի հանդիպման բովանդակային հարստացմանը։
Ընդգծվել է միջազգային հարթակներում, այդ թվում՝ ՄԱԿ-ում և նրա Անվտանգության խորհրդում, ՇՀԿ-ում, ԲՐԻԿՍ-ում, «Մեծ քսանյակում» և Ասիա-խաղաղօվկիանոսյան տնտեսական համագործակցության (ԱԽՏՀ) շրջանակներում երկու երկրների միջև սերտ համակարգման ամրապնդման կարևորությունը։
ՈՒՂԻՂ ԵԹԵՐ
Ամենադիտված 
Հարսը թունավորել է ամուսնուն և նրա ծնողներին հարսանիքից երկու օր անց
