Արևմուտքը օգտագործում է Ռուսաստանի սառեցված ակտիվները՝ նրան «ստիպելու» նստել բանակցությունների սեղանի շուրջ․ CBS

ԱՄՆ սենատոր Ռիչարդ Բլումենտալը հայտարարել է, որ արևմտյան երկրները մտադիր են օգտագործել Ռուսաստանի սառեցված ակտիվները (300 միլիարդ դոլար՝ Եվրոպայում, 5 միլիարդ դոլար՝ ԱՄՆ-ում)՝ նրա վարքագիծը փոխելու և նրան բանակցային սեղանի շուրջ բերելու համար, քանի որ «Պուտինը հասկանում է միայն ուժը»։ Այս մասին հաղորդում է CBS News-ը։

Սենատորը նշել է, որ մշակվում են ծրագրեր, թե ինչպես եվրոպացիները կարող են հասանելիություն ստանալ ռուսական ակտիվներին (ներառյալ տոկոսները), և Միացյալ Նահանգները նույնպես կարող է օգտագործել իր 5 միլիարդ դոլարը։ Ծրագրի մի մասը ներառում է նաև ՆԱՏՕ-ի ակտիվների տրամադրումը Ուկրաինային՝ ԱՄՆ-ից զենք գնելու համար։