«Բարսելոնան» ջախջախիչ պարտություն է կրել

Իսպանիայի Լա լիգայի 8-րդ տուրում «Բարսելոնան» արտագնա խաղում 1-4 հաշվով պարտվել է «Սևիլիային»։

Անդալուզյան ակումբից 13-րդ րոպեին հաշիվը բացել է չիլիացի անվանի հարձակվող, «Բարսելոնայի» նախկին ֆուտբոլիստ Ալեքսիս Սանչեսը։

«Բարսելոնայից» առաջին խաղակեսի վերջում հաշիվը կրճատել է Մարկուս Ռեշֆորդը` Լա լիգայում խփելով իր առաջին գոլը։

Կատալոնական ակումբից 76-րդ րոպեին հաշիվը կարող էր հավասարեցնել Ռոբերտ Լևանդովսկին, բայց լեհ ֆուտբոլիստի` 11-մետրանոցից կատարած հարվածից հետո գնդակը շեղ է ընթացել։

Հանսի Ֆլիկի գլխավորած թիմը Լա լիգայի 2025/26 մրցաշրջանում կրել է առաջին պարտությունը և 19 միավորով նահանջել երկրորդ տեղ։ 8-րդ տուրից հետո աղյուսակը գլխավորում է Մադրիդի «Ռեալը», որը վաստակել է 21 միավոր։

«Սևիլիան» 13 միավորով եզրափակում է լավագույն քառյակը։