Անկախ ելքից չեմ շարունակի առաքելությունս․ Լըկորնյու

Ֆրանսիայի պաշտոնաթող վարչապետ Սեբաստիան Լըկորնյուն չի ցանկանում կրկին գլխավորել կառավարությունը, նա կանցկացնի «եզրափակիչ քաղաքական բանակցություններ», հայտնում է Le Figaro թերթը՝ վկայակոչելով քաղաքական գործչի շրջապատին:

«Լըկորնյուն Մակրոնին հայտնել է՝ չի ցանկանում կրկին նշանակվել վարչապետ։ Նա համաձայնել է գլխավորել Մակրոնի առաջարկած" «եզրափակիչ քաղաքական բանակցությունները» և չորեքշաբթի օրը նրա հետ կկիսվի իր եզրակացություններով: Սակայն, անկախ ելքից, նա չի շարունակի իր առաքելությունը», - հայտնել է թերթը։

Նրա հրաժարականը Ֆրանսիան ներքաշել է վերջին տասնամյակների ընթացքում աննախադեպ քաղաքական ճգնաժամի մեջ։ Հրաժարական տված վարչապետն իր պաշտոնում ավելի քիչ է աշխատել, քան Ֆրանսիայի Հինգերորդ հանրապետության նախարարների մյուս ղեկավարները։