ԱՄՆ–ում օրինագիծ է ներկայացվել, ըստ որի՝ Ադրբեջանի դեմ պատժամիջոցների կկիրառվի ՀՀ–ի դեմ ագրեսիվ գործողությունների վերսկսման դեպքում

ԱՄՆ կոնգրեսականներ (հանրապետական) Դարել Իսան և Գաս Բիլիրակիսը ԱՄՆ Ներկայացուցիչների պալատին են ներկայացրել Preventing Escalation and Advancing Caucasus Engagement Act (PEACE Act) օրինագիծը։

Օրինագիծը նախատեսում է Ադրբեջանի դեմ պատժամիջոցների կիրառում Հայաստանի դեմ ագրեսիվ գործողությունների վերսկսման դեպքում՝ երկրների միջև խաղաղության բանակցություններին աջակցելու նպատակով։

Օրինագիծը, հղում անելով ԱՄՆ քաղաքականությանը, ներառում է.

▪️Աջակցել Հայաստանի և Ադրբեջանի ինքնիշխանությանը, տարածքային ամբողջականությանը և անկախությանը։

▪️Աջակցել Հայաստանի և Ադրբեջանի կառավարությունների միջև ուղիղ բանակցություններին՝ համապարփակ, արդար և կայուն խաղաղության համաձայնագիր կնքելու համար։

▪️Պատժամիջոցների և դրանց հետ կապված միջոցառումների կիրառում՝ ուժի կիրառումը կանխելու համար՝ որպես կառուցողական բանակցությունների այլընտրանք։

Աջակցել վարչապետ Նիկոլ Փաշինյանի գլխավորությամբ Հայաստանի կառավարության նախաձեռնություններին՝ ուղղված  Ադրբեջանի հետ երկարաժամկետ խաղաղության համաձայնագրի ապահովմանը, «Ռուսաստանի չարամիտ ազդեցությունը չեզոքացնելուն» և Հայաստանի Հանրապետության ու Միացյալ Նահանգների միջև կապերը ամրապնդելուն։

Եթե 2025 թվականի օգոստոսի 8-ին Հայաստանի և Ադրբեջանի կողմից ստորագրված համատեղ հռչակագրի իրականացման ընթացքում որևէ պահի պետքարտուղարը որոշի, որ որևէ կողմ գիտակցաբար փորձել է հետաձգել, խափանել կամ խոչընդոտել նման համատեղ հռչակագրի սկզբունքներին համապատասխանող խաղաղության համաձայնագրի հաջող կնքումը, նախագահը կարող է մեկ կամ մի քանի պատժամիջոցներ կիրառել այդ կողմի նկատմամբ։

Օրինագիծը, որը կարելի է գտնել այս հղումով, ուղարկվել է Արտաքին գործերի հանձնաժողով և Դատական ​​և ֆինանսական ծառայությունների հանձնաժողովներ։