Թրամփի օրոք Մեքսիկայի և Միացյալ Նահանգների միջև անօրինական սահմանահատումները կտրուկ նվազել են

Մեքսիկայի և Միացյալ Նահանգների միջև անօրինական սահմանահատումների թիվը այս տարի Թրամփի վարչակազմի քաղաքականության շնորհիվ՝ նվազել է մինչև 1970 թվականի մակարդակ, հաղորդում է CBS-ը՝ հղում անելով ներքին դաշնային վիճակագրությանը։

Նշվում է, որ 2025 ֆինանսական տարում (սկսած հոկտեմբերից) 238 000 մարդ է ձերբակալվել ԱՄՆ-Մեքսիկա սահմանը անօրինական կերպով հատելու համար։ Այս թիվը մոտ է 1970 ֆինանսական տարվա մակարդակին, երբ նույն հանցագործության համար ձերբակալվել էր 202 000 մարդ։ 2022 ֆինանսական տարում ձերբակալվել է մոտավորապես 2,206 միլիոն անօրինական ներգաղթյալ։