ՀՀ տղամարդկանց հավաքականը հաղթանակ է տարել շախմատի Եվրոպայի թիմային առաջնության 5-րդ խաղափուլում

Հայաստանի տղամարդկանց հավաքականը հաղթանակ է տարել շախմատի Եվրոպայի թիմային առաջնության 5-րդ խաղափուլում: Այս մասին տեղեկացնում են Շախմատի ֆեդերացիայից:

 

Հայաստանի տղամարդկանց հավաքականը 3.5:0.5 հաշվով առավելության է հասել Մոնտենեգրոյի հավաքականի նկատմամբ:

 

Այսօր հաղթել են Շանթ Սարգսյանը, Ռոբերտ Հովհաննիսյանը և Հայկ Մարտիրոսյանը:

 

Գաբրիել Սարգսյանի խաղն ավարտվել է ոչ-ոքի արդյունքով:

 

Ավելի վաղ տեղեկացրել էինք, որ Հայաստանի կանանց հավաքականը 2.5:1.5 հաշվով առավելության է հասել Շվեյցարիայի հավաքականի նկատմամբ: