Մակրոնը գաղտնի հանդիպել է Սարկոզիի հետ

Ֆրանսիայի նախագահ Էմանուել Մակրոնը գաղտնի հանդիպում է ունեցել երկրի նախկին առաջնորդ Նիկոլա Սարկոզիի հետ՝ վերջինիս բանտարկությունից անմիջապես առաջ։ Ըստ Le Figaro-ի՝ հանդիպումը տեղի է ունեցել Ելիզեյան պալատում և տևել է ավելի քան մեկ ժամ, սակայն այն պաշտոնապես չի հրապարակվել։ Մակրոնը, ըստ աղբյուրների, խուսափել է բացահայտ մեկնաբանություններից, սակայն կասկած է հայտնել Սարկոզիի նկատմամբ անմիջապես պատժի կիրառման անհրաժեշտության վերաբերյալ։

Ֆրանսիայի առաջնորդը նշել է, որ գործող նախագահները օգտվում են պաշտոնական անձեռնմխելիությունից, մինչդեռ նախկին ղեկավարները նման իրավունք չունեն։ Այս դիտարկումը, ըստ վերլուծաբանների, արտացոլում է Մակրոնի մտահոգությունը այն նախադեպի շուրջ, երբ երկրի նախկին նախագահին բանտարկում են առանց դատավճռի վերաքննության։

Փարիզի դատարանը Սարկոզիին մեղավոր է ճանաչել իր նախընտրական քարոզարշավի՝ Լիբիայից ստացված անօրինական ֆինանսավորման գործով։ Նրան դատապարտվել է հինգ տարվա ազատազրկման, որից մի մասը՝ իրական կալանքի։ Սարկոզին բանտ է մեկնելու հոկտեմբերի 21-ին՝ դառնալով Ֆրանսիայի պատմության մեջ առաջին նախկին նախագահներից մեկը, ով իրականում կկրի իր պատիժը։