Ադրբեջանական պատվիրակություններն այցելելու են Հայաստան, հայկական պատվիրակություններն այցելելու են Ադրբեջան, պատրաստ եղե՛ք․ Սիմոնյան

Երեկ ավարտվեց Հայաստանում «Եվրանեսթը»։ Իմ գործընկերոջ հետ հանդիպման ժամանակ նա ինձ խնդրեց, որ ես փոխանցեմ՝ իրենք Հայաստան գալու հետ կապված խնդիր չունեն։ «Եվրանեսթին» չմասնակցելը պայմանավորված է զուտ այդ կազմակերխության հետ հարաբերությունով և իրենք խնդիր չեն տեսնում մեր հետ համագործակցության և փոխադարձ այցերի հետ կապված։ Այս մասին լրագրողների հետ զրույցում ասաց ԱԺ նախագահ Ալեն Սիմոնյանը՝ անդրադառնալով հարցին, թե ինչո՞ւ ադրբեջանական պատվիրակությունը չմասնակցեց Հայաստանում անցկացված «Եվրանեսթ» խորհրդարանական վեհաժողովի 12-րդ լիագումար նստաշրջանին։

«Մենք խոսել ենք, որ ակնկալում ենք բոլոր նախագահների մասնակցությունը, բայց տարանջատում եք Ադրբեջանի և Թուրքիայի՝ մեր անմիջական հարևանների մասնակցությունը։ Կարծում եմ՝ տեղին չէ առանձնացնել մեր հարևանների մասով, որովհետև նրանք մեր հարևաններն են։ Ով–ով մասնակցի, մեր հարևանները պետք է մասնակցեն»,– ասաց ԱԺ նախագահը։

Նա նշեց՝ այդտեղ պետք չէ տեսնել այլ տրամաբանություն, քանի որ նման դեպքում Ադրբեջանի նախագահը կասեր կամ պաշտոնական հայտարարություն կլիներ։

Սիմոնյանը նաև հայտարարեց՝ պատրաստ եղե՛ք, հարգելի ժողովուրդ, ադրբեջանական պատվիրակություններն այցելելու են Հայաստան, հայկական պատվիրակություններն այցելելու են Ադրբեջան․ «Իհարկե, կան հարցեր, որ պետք է քննարկվեն, մասնավորապես՝ գերիների, պահվող անձնաց մասին հարցը, որ մեծագույն պրոբլեմ է։ Այնուամենայիվ, այդ շփումները շարունակվելու են, և մենք այդ շփումները խորացնելու ենք։ Իմ ընկալմամբ՝ ադրբեջանական կողմը նույն գծի վրա է»։