Թրամփի հետ հանդիպումը կարող է մոտեցնել Բուդապեշտում կայանալիք ռուս-ամերիկյան գագաթնաժողովը․ Օրբան
ԱՄՆ
Հունգարիայի վարչապետ Վիկտոր Օրբանը, ռադիո Kossuth-ի եթերում ելույթ ունենալով, հայտարարել է, որ ԱՄՆ նախագահ Դոնալդ Թրամփի հետ իր հանդիպումը կարող է մոտեցնել Բուդապեշտում կայանալիք Ռուսաստան-ԱՄՆ գագաթնաժողովը։
«Կարծում եմ՝ մենք կարող ենք մոտենալ դրան։ Մենք երկար ժամանակ աշխատել ենք այս հանդիպման վրա», - ասել է նա՝ պատասխանելով այդ մասին հարցին։
Օրբանը պարզաբանել է, որ Վաշինգտոնում գտնվող հունգարական պատվիրակությունը ներկայացուցչական կլինի։ Վարչապետի խոսքով՝ դրա մեջ կլինեն նախարարներ, տարբեր գործակալությունների ղեկավարներ և խոշոր ընկերություններ։
Նա նաև նշել է, որ Հունգարիան հույս ունի կնքել երկկողմ տնտեսական խոշոր համաձայնագիր Միացյալ Նահանգների հետ։
«Այս բարձր մակարդակի բանակցությունների կարևոր տարրերից մեկը խաղաղությունն է, բայց մենք ունենք նաև մեկ այլ կարևոր տարր։ Ես կարծում եմ, որ կարող ենք մշակել ԱՄՆ-Հունգարիա տնտեսական համագործակցության միջոցառումների փաթեթ», - ընդգծել է Օրբանը։
ՈՒՂԻՂ ԵԹԵՐ
Ամենադիտված 
Սպանություն է տեղի ունեցել Երևանում
