Մենք կարող էինք երկրորդ Գազա դառնալ․ Ալեն Սիմոնյան

Էդ որ տենց դրոշակ եք սարքել (Արցախ – խմբ․) վերադարձի հետ կապված հարցը, ուզում եմ հասկանալ՝ ով որ ասում է՝ ՔՊ–ականների հորդորով են դեմ քվեարկել, իրենք պատրա՞ստ են ապահովել էդ մարդկանց վերադարձը և անվտանգությունը, լո՞ւրջ եք ասում։ Այս մասին լրագրողների հետ զրույցում ասաց ԱԺ նախագահ Ալեն Սիմոնյանը։

«Կա՞ մարդ, որ հիմա կարող է հայտարարել, որ ապահովում է հայ մարդու վերադարձը Ղարաբաղի որևէ բնակավայր։ Մեծ–մեծ խոսալով չէ, կենացներ ասելով չէ։ Բնական է՝ ինչ–որ ժամանակ անց, երբ հարաբերությունները կնորմալանան, ինչ–որ մարդիկ կարող են գնալ, իրենց տներում ապրել, եթե նման հնարավորթյուն լինի։ Հիմա մարդիկ կա՞ն՝ ուզում են գնալ, ՀՀ իշխանություններն ասո՞ւմ են՝ չէ՛, մի գնացեք, մենք դե՞մ ենք»,– ասաց Սիմոնյանը։

Լրագրողներն ԱԺ նախագահին հիշեցրեցին Գազայի օրինակը, նա էլ ասաց, թե շատ լավ օրինակ է, միջազգային  հանրությունը հավաքվեց ու հիմա Գազայում ցեղասպանություն է։

«Գազայում հիմա ցեղասպանություն է տեղի ունենում ամեն Աստծու օր։ Մենք կարող էինք երկրորդ Գազա դառնալ, Սանչեսը կամ որևէ մեկը պիտի հայտարարություն աներ, կդնեին Գազայի կվերածին մեր տարածքը, թող ստից իրենց հայտարարություններն անեին»,– ասաց Սիմոնյանը։