Հայաստանում քաղաքական ընդդիմախոսներ չկան, մի բան էլ ուշացրել ենք բանտեր տանելը. ԱԺ նախագահ

ԱԺ նախագահ Ալեն Սիմոնյանը լրագրողների հետ զրույցում հայտարարեց՝ Հայաստանում քաղաքական ընդդիմախոսներ չկան։

«Կան մարդիկ, ովքեր հնչեցնում են վիրավորանքներ, որևէ բան չեն առաջարկում, խնդրում եմ, ասեք՝ ի՞նչ առաջարկներ են արել վերջին ժամանակահատվածում, որոնք քաղաքական նշանակություն ունեն՝ բացի Ռուսաստանի ու Բելառուսի կազմում հայտնվելու մասին»,- ասաց Սիմոնյանը։

Ինչ վերաբերում է ընդդիմադիրներին բանտեր տանելուն՝ նա համոզմունք հայտնեց՝ «դեռ մի բան էլ ուշացրել են նրանց բանտեր տանելը»։

«Ժողովուրդը մեզ մեղադրում էր, ասում էին՝ «ո՞ւր է երկաթե մանդատը, ինչո՞ւ չի գործում»։ Մուրճը գործում է, գործելու է ու հերթով իջնելու է տարբեր հանցագործ տարրերի, Սաքուլիկների, Վարդանիկների...»,- ասաց ԱԺ նախագահը։