Ադրբեջանում անհանգստանում են, որ թղթերով ամեն ինչ ճիշտ լինի, վաղը-մյուս օրը նոր պատերազմ չլինի․ Ալեն Սիմոնյան
Քաղաքական
ԱԺ նախագահ Ալեն Սիմոնյանը կարծում է, որ խաղաղության պայմանագրի ստորագրման համար ադրբեջանական կողմից պետք է լինի ցանկություն ու կամք։
«Կարծում եմ՝ մենք մոտ ենք դրան»,- լրագրողների հետ զրույցում ասաց նա։
Սիմոնյանը համաձայն չէ, երբ ասում են, թե Ադրբեջանը նախապայմաններ է առաջ քաշում։
«Իրենք անհանգստանում են, որ թղթերով ամեն ինչ ճիշտ լինի, որովհետև կյանք է՝ կարող է ամեն բան լինել, որ ապահովագրվեն, որ վաղը-մյուս օրը նոր պատերազմ չլինի, որն, իրականում, լավ ցանկություն է»,- ասաց նա։
ԱԺ նախագահի խոսքով՝ Հայաստանն ամեն ինչ արել է, որ տարածաշրջանում խաղաղություն լինի, և տարածաշրջանում թեկուզ փխրուն, բայց այնուամենայնիվ, հաստատվել է խաղաղությունը։
«Մենք ամեն ինչ արել ենք ու անելու ենք, որ խաղաղությունը վերջնական պայմանագրի տեսքով լինի, բայց դրանից էլ ավելի՝ հողի վրա խաղաղություն լինի»,-ընգծել է նա։
Սիմոնյանն օրինակ է բերել, որ Վրաստանի հետ խաղաղության պայմանագիր չունենք, բայց խաղաղություն ունենք։
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
