Պենտագոնը «ոչինչ չի հասկացել» Թրամփի հայտարարությունից․ CNN

Միջուկային փորձարկումների մասին ԱՄՆ նախագահ Դոնալդ Թրամփի խոսքերն անակնկալի են բերել ԱՄՆ պաշտպանության նախարարությանը, քանի որ այն մանրամասն հրահանգներ չի ստացել: Այս մասին հաղորդում է CNN -ը՝ հղում անելով իր աղբյուրներին։

«Ելույթ ունենալով Կապիտոլիումի բլուրում՝ բարձրաստիճան զինվորականը, որը նշանակվել է ամերիկյան միջուկային զինանոցի համադրող, հայտարարել է, որ ինքը «ոչինչ չի հասկացել» Թրամփի գրառումից», - ասվում է հրապարակման մեջ: Պարբերականի տվյալներով՝ արդյունքում Պենտագոնը չի շտապել կատարել Թրամփի հրահանգը։ Սա ցույց է տալիս, որ փորձարկման հրահանգները նախապես լայնորեն չեն տարածվել։

Նյութում նշվում է, որ ԱՄՆ-ի միջուկային զինանոցի սպասարկման և փորձարկման համար պատասխանատու է ոչ թե Պենտագոնը, այլ էներգետիկայի նախարարությունը, որն ունակ է համակարգչային մոդելավորման միջոցով միջուկային զենքը փորձարկել առանց ֆիզիկական պայթյունների: Ամերիկացի առաջնորդի հայտարարությունը զարմացրել է նաև իր խորհրդականներին։