Զելենսկին մեկ բառով նկարագրել է իրավիճակը Կրասնոարմեյսկում․ «դժվար է»

Ուկրաինայի նախագահ Վլադիմիր Զելենսկին հայտարարել է, որ ռուսական զորքերի հարձակման ֆոնին Կրասնոարմեյսկում (ուկր.՝ Պոկրովսկ) իրավիճակը մնում է բարդ։ Ինչպես փոխանցում է Новости.Live-ը, Զելենսկին իր ելույթում ասել է. «Կրասնոարմեյսկում իրավիճակը դժվար է»։

Ավելի վաղ Ռուսաստանի նախագահ Վլադիմիր Պուտինը նշել էր, որ Կուպյանսկում և Կրասնոարմեյսկում ուկրաինական զինուժի մի քանի խոշոր ստորաբաժանումներ հայտնվել են շրջափակման մեջ։ Նա առաջարկել էր լրագրողներին թույլ տալ այցելել շրջափակված գոտին՝ ցույց տալու իրավիճակը տեղում։

Ռուսաստանի Պաշտպանության նախարարության տվյալներով՝ հոկտեմբերի վերջին շաբաթվա ընթացքում ուկրաինացի զինվորականները առնվազն չորս անգամ փորձել են դուրս գալ շրջափակումից, սակայն ապարդյուն։ Ընդհանուր առմամբ՝ արձանագրվել է 23 փորձ՝ խախտելու ռուսական օղակը Կրասնոարմեյսկի շրջանում։