Թրամփի՝ Իրանի վերաբերյալ հայտարարությունից րոպեներ առաջ 580 միլիոն դոլարի նավթային գործարքներ են կնքվել

Առևտրականները նավթի վրա 580 միլիոն դոլարի խաղադրույքներ են կատարել ԱՄՆ նախագահ Դոնալդ Թրամփի՝ Իրանի հետ «շատ լավ և արդյունավետ բանակցություններ» հայտարարելուց մի քանի րոպե առաջ, ինչը նավթի գների կտրուկ անկման պատճառ դարձավ։ Այս մասին հաղորդում է Financial Times-ը։

Մեկ օր առաջ ԱՄՆ նախագահը TruthSocial սոցիալական ցանցում գրել էր, որ Միացյալ Նահանգները լավ և արդյունավետ բանակցություններ է վարել Իրանի հետ և կհրամայեր զինվորականներին հինգ օրով հետաձգել Իսլամական Հանրապետության էլեկտրակայանների և էներգետիկ ենթակառուցվածքների վրա ցանկացած հարված, մինչև հետագա հանդիպումները տեղի կունենան։

FT-ի տվյալներով՝ այդ օրը՝ Թրամփի թվիթից կարճ ժամանակ առաջ, Նյու Յորքի ժամանակով ժամը 06:49-ից մինչև 06:50-ը, կատարվել է Brent և WTI նավթի ֆյուչերսների մոտ 6200 գործարք։ Այս գործարքների ենթադրյալ արժեքը կազմել է 580 միլիոն դոլար։