Դատախազությունը բողոքարկել է Դավիթ Սանասարյանի արդարացման ակտը
Իրավունք
«Ինքնիշխան Հայաստան» կուսակցության նախագահ Դավիթ Սանասարյանը գրում է․
«ՓԱՍՏՈՐԵՆ, ԻՇԽԱՆՈՒԹՅԱՆԸ ՀԱՆԳԻՍՏ ՉԻ ՏԱԼԻՍ ԱՐԴԱՐ ԼԻՆԵԼՈՒՍ ՎԵՐԱԿԱՆԳՆՄԱՆ ՄԻՏՔԸ
Այսօր վարչապետի դատախազությունը բողոքարկեց առաջին ատյանի ընդհանուր իրավասության դատավոր Դավիթ Բալայանի ընդունած՝ իմ արդարացման վճիռը։ Եթե մասնագիտորեն ծանոթանաք դատավորի վճռին պարզ կդառնա, որ այնտեղ բողոքարկելու ոչ մի տոկոս հիմք չկա։ Բայց չէ՞ որ դա չէր մտնում կառավարող ուժի պլանների մեջ, չէ՞ որ Փաշինյանն ասել էր, որ բացառում է, որ քննությունն օբյեկտիվ չլինի, չէ՞ որ իշխանական պաշտոնյաները «երդում էին կերել», որ Վանեցյանի գլխավորած ԱԱԾ-ն չի կարող գործ կարել։
Նիկո՛լ, իմացի՛ր՝ ուզում է ևս 7 տարի անցնի, իմ համոզմունքները չեք կոտրելու։ Այն հետապնդումները, որ իրականացվեցին քո վարչապետության օրոք՝ ամեն քայլափոխի հետևելով ինձ ու ընտանիքիս անդամներին, նույնիսկ Սերժի ժամանակ չէին արվում։
Ձեր կողմից «կառուցած» «ժողովրդավարության բաստիոնը» քանդվելու է, և նրա տեղում կառուցվելու է արդարության, արժանապատվության ու իրապես ժողովրդի կողմից կառուցված և ժողովրդավարական պետական համակարգ։
Դեռ հանդիպելու ենք. սպասելու եմ, որ աչքերիս մեջ նայեք»։
ՈՒՂԻՂ ԵԹԵՐ
Ամենադիտված 
«Մարինան նույնպես չկարողացավ հաղթել այդ չարիքին». Իրինա Թովմասյանը ցավալի լուր է հայտնել
