ԱՄՆ-ն հանցավոր խմբերի վերաբերյալ տեղեկության դիմաց առաջարկում է մինչև 3 միլիոն դոլար պարգևավճար

ԱՄՆ-ը հայտարարել է մինչև 3 միլիոն դոլարի պարգևավճար՝ Հաիթիի «Viv Ansanm» և «Gran Grif» հանցավոր խմբերի ֆինանսական գործունեության մասին տեղեկությունների դիմաց, հայտնում է REUTERS-ը։ Այս խմբերը ճանաչվել են որպես ահաբեկչական կազմակերպություններ։

Անվտանգության ուժերը, ՄԱԿ-ի աջակցությամբ, ուժեղացրել են գործողությունները հանցավոր խմբերի դեմ, սակայն խոշոր առաջնորդների ձերբակալություններ դեռ չեն իրականացվել։

Վերջին տվյալներով՝ ավելի քան 1 միլիոն մարդ տեղահանվել է, իսկ մոտ 20,000 մարդ զոհվել է 2021 թվականից ի վեր։ ՄԱԿ-ի գնահատմամբ՝ Հաիթիում ներքին տեղահանվածների թիվը հասել է շուրջ 1.45 միլիոնի, որոնցից ավելի քան 400,000-ը տեղահանվել են վերջին մեկ տարում։