«Կրասնոդարի» կամային հաղթանակն ու Սպերցյանի չիրացրած 11-մետրանոցը

Ռուսաստանի Պրեմիեր լիգայի 27-րդ տուրում «Կրասնոդարը» սեփական հարկի տակ ընդունել է Մախաչկալայի «Դինամոյին» և 2։1 հաշվով կամային հաղթանակ տարել։

​Նշենք, որ հանդիպման 36-րդ րոպեին «Կրասնոդարի» ավագ, Հայաստանի ազգային հավաքականի կիսապաշտպան Էդուարդ Սպերցյանը չի կարողացել արդյունավետ իրացնել 11-մետրանոցը. նրա հարվածից հետո գնդակը դիպել է դարպասաձողին։

​Այս հաղթանակից հետո «Կրասնոդարը» վաստակեց 60 միավոր և շարունակում է գլխավորել Ռուսաստանի առաջնության մրցաշարային աղյուսակը՝ 1 միավորով առաջ լինելով երկրորդ տեղում ընթացող Սանկտ Պետերբուրգի «Զենիթից»։ Մախաչկալայի «Դինամոն» 24 միավորով զբաղեցնում է 14-րդ հորիզոնականը։