ԵՄ. ԵՄ-ն արագորեն ավելացնում է ռազմական ծախսերը՝ ԱՄՆ-ի կողմից զորքերի մի մասը դուրս բերելու ծրագրերի ֆոնին
ԵՄ անդամ պետությունները աննախադեպ տեմպերով են ավելացնում ռազմական ծախսերը՝ հաշվի առնելով ԱՄՆ-ի՝ Գերմանիայում իր ներկայությունը կրճատելու ծրագրերը, Բրյուսելում կայացած ճեպազրույցի ժամանակ հայտարարել է Եվրահանձնաժողովի խոսնակ Անիտա Հիփերը։
«Մենք աննախադեպ տեմպերով ենք ավելացնում ռազմական ծախսերը։ 2023 թվականի համեմատ Գերմանիան 2026 թվականին ռազմական ոլորտում ներդրել է 100 միլիարդ եվրոյով ավելի, իսկ 2029 թվականին այդ ծախսերը կավելանան 152 միլիարդ եվրոյով՝ եռապատկվելով 2023 թվականի համեմատ», - ասել է նա՝ մեկնաբանելով ԱՄՆ նախագահ Դոնալդ Թրամփի հայտարարությունը, որ Վաշինգտոնը մտադիր է շուտով որոշում կայացնել Գերմանիայում իր ռազմական ներկայությունը կրճատելու վերաբերյալ։
«Մեր երկարաժամկետ դիրքորոշումն այն է, որ ԱՄՆ-ն Եվրոպայի անվտանգության ապահովման գործում հիմնական գործընկեր է։ Մենք կարծում ենք, որ ամերիկյան զորքերի ներկայությունը Եվրոպայում նաև ծառայում է ԱՄՆ շահերին՝ պաշտպանելով նրա գլոբալ դերը», - ընդգծել է Հիփերը։
Թրամփը նախկինում հայտարարել էր, որ իր վարչակազմը քննարկում է Գերմանիայում տեղակայված ԱՄՆ զինված ուժերի թվաքանակը կրճատելու հնարավորությունը և որոշում կկայացնի մոտ ապագայում։
ՈՒՂԻՂ ԵԹԵՐ
Ամենադիտված 
Ջուր հավաքեք. բազմաթիվ հասցեներում երկար ժամանակ ջուր չի լինելու
