Մակրոնը Հայաստան է գալիս կնոջ հետ

Ֆրանսիայի նախագահ Էմանուել Մակրոնը Հայաստան է ժամանելու տիկնոջ՝ 72-ամյա Բրիջիթ Մակրոնի հետ։ Այս մասին իր ուղիղ եթերում հայտարարել է ՀՀ վարրչապետ Նիկոլ Փաշինյանը։

Հիշեցնենք, որ Մակրոն ամուսինները եռօրյա այցով են ժամանելու մեր երկիր՝ մայիսի 3-5-ը։ Էմանուել Մակրոնը նախ կմասնակցի Երևանում կայանալիք Եվրոպական քաղաքական համայնքի գագաթնաժողովին, հետո տեղի կունենան Մակրոն-Փաշինյան առաձնազրույցը, ընդլայնված կազմով հանդիպումները, որին կհաջորդի նրանց համատեղ հայտարարությունը մամուլի համար։ Նախատեսվում է, որ այցի արդյունքում երկու երկրների ղեկավարները ռազմավարական գործընկերության մասին փաստաթուղթ են ստորագրելու։

Ֆրանսիայի նախագահը հանդիպելու է նաև նախագահ Վահագն Խաչատուրյանի հետ, այցելելու է Ծիծեռնակաբերդի հուշահամալիր, լինելու է Մատենադարանում, իսկ հետո այցի վերջին օրը՝ մայիսի 5-ին, Փաշինյանի ուղեկցությամբ մեկնելու է Գյումրի։ Մակրոնը հարգանիք տուրք է մատուցելու Սպիտակի երկրաշարժի զոհերի հիշատակին, հետո էլ Փաշինյանի ուղեկցությամբ ներկա կգտնվի  Վարդանանց հրապարակում կայանալիք մեծ համերգին՝ նվիրված հայ-ֆրանսիական բարեկամությանը։ Այն կազմակերպելու համար կառավարությունը պետբյուջեից 393 միլիոն դրամ՝ ավելին քան մեկ դոլար կհատկացնի։