Գյումրի քաղաքի շենքերից մեկի բակում գտնվող ավտոտնակում առաջացած հրդեհի հեևանքով այնտեղ գտնվող «Mercedes»-ը և գույքը վերածվել են մոխրակույտի

Երեկ՝ մայիսի 1-ին, արտակարգ դեպք է տեղի ունեցել Շիրակի մարզում։ Ժամը 17։25-ի սահմաններում ՀՀ Ներքին գործերի նախարարության 112 օպերատիվ կառավարման կենտրոն ահազանգ է ստացվել, որ Գյումրի քաղաքի Ֆուրմանով 2Ա շենքի մոտ գտնվող ավտոտնակներից մեկում հրդեհ է բռնկվել։

Ինչպես հայտնում է ֆոտոլրագրող Գագիկ Շամշյանը, ժամանել են ՀՀ ՆԳՆ Փրկարար ծառայության Շիրակի մարզային փրկարարական վարչութան Գյումրու հրշեջ փրկարարական ջոկատից՝ 1 մարտական հաշվարկ։

Դեպքի վայր են ժամանել նաև ՀՀ ՆԳՆ ոստիկանության Պարեկային ծառայության Շիրակի մարզի գումարտակի 1-ին վաշտի 3-րդ դասակի պարեկները՝ գումարտակի հրամանատար Լևոն Մարտիրոսյանի, վաշտի հրամանատար Մհեր Մկրտչյանի և դասակի հրամանատար Վանիկ Հարությունյանի գլխավորությամբ։

Տարածքը սահմանազատել են նույն վաշտի պարեկներ Վոլոդյա Շահինյանը և Արարատ Մկրտչյանը։Հրշեջ փրարարները մարել են ավտոտնակի ներսում առաջացած կրակը, սակայն այնտեղ գտնվող գույքը և «Mercedes» մակնիշի ավտոմեքենան վերածվել են մոխրակույտի։Հրդեհի հետևանքով, ըստ նախնական տեղեկությունների բարեբախտաբար տուժածներ չկան։

Դեպքի վայր են ժամանել նաև ՀՀ ՆԳՆ ոստիկանության համայնքային ոստիկանության գլխավոր վարչության Կումայրիի բաժնի հերթապահ խումբը՝ օրվա պատասխանատուի գլխավորությամբ։Հրդեհի փաստով ոստիկանության Կումայրիի բաժնում փաստաթղթեր են ձևակերպվում, որտեղ էլ պարզվում են ավտոմեքենայի և ավտոտնակի սեփականատերերի ինքնությունը։