Ֆիցոյի Մոսկվա այցի մանրամասներ են բացահայտվել

Սլովակիայի վարչապետ Ռոբերտ Ֆիցոյի Մոսկվա նախատեսված այցի մանրամասները հայտնի են դարձել․ նրա թռիչքը մայիսի 9-ին կարող է տևել 4-ից 8 ժամ։ Այս մասին հայտնում է ՏԱՍՍ-ը՝ հղում անելով Եվրամիության ավիադիսպետչերական ծառայություններին։

Ըստ աղբյուրի՝ թռիչքի տևողությունը կախված է ընտրված երթուղուց․ որոշ ուղղություններով ճանապարհը կարող է զգալիորեն երկարել՝ օդային տարածքների սահմանափակումների պատճառով։ Մասնավորապես, մի շարք եվրոպական երկրներ չեն թույլատրել իրենց տարածքով թռիչքը։

Միևնույն ժամանակ, Չեխիան տվել է համապատասխան թույլտվություն։ Ավելի վաղ Ֆիցոն նշել էր, որ Մոսկվա այցի ընթացքում պատրաստվում է սլովակ ժողովրդի անունից շնորհակալություն հայտնել խորհրդային զինվորներին՝ Երկրորդ աշխարհամարտից հետո խաղաղություն ապահովելու համար։