Թրամփի ուշադրությունը շեղվել է Ուկրաինայից․ առաջնահերթությունը փոխվել է

Ուկրաինայի հակամարտության կարգավորումը այլևս առաջնային չէ ԱՄՆ նախագահ Դոնալդ Թրամփի օրակարգում։ Այս մասին հայտնում է Politico-ն՝ հղում անելով Սպիտակ տան անանուն աղբյուրին։

Աղբյուրի խոսքով՝ վերջին շրջանում Ուկրաինայի թեման գրեթե չի քննարկվում, քանի որ Վաշինգտոնի հիմնական ուշադրությունը կենտրոնացած է Իրանի շուրջ զարգացումների վրա։ Նշվում է, որ նույնիսկ նախկինում այդ ուղղությամբ աշխատող պաշտոնյաները՝ այդ թվում Ստիվ Ուիթքոֆը և Ջարեդ Քուշները, այժմ զբաղված են այլ տարածաշրջանային հարցերով։

Եվրոպացի մեկ այլ պաշտոնյա նշել է, որ Ուկրաինայի հարցով գործընթացը «կանգ է առել» և պահանջում է նոր խթան։ Միևնույն ժամանակ ընդգծվում է, որ Մերձավոր Արևելքում լարվածության աճը, ինչպես նաև Օրմուզի նեղուցի շուրջ իրավիճակը, կարող են լրացուցիչ բացասական ազդեցություն ունենալ ուկրաինական ուղղության վրա։