Ժողովրդավարությունը մեզ համար հանգամանքների պատահական բերում չէ, այլ ռազմավարություն է․ Փաշինյան

ԵԽ նախագահի ու Եվրոպական Հանձնաժողովի նախագահի հետ ընդլայնված կազմով հանդիպման ժամանակ վարչապետ Նիկոլ Փաշինյանը շնորհակալություն հայտնեց Հայաստանին տրամադրվող աջակցության համար։

«Ժողովրդավարությունը մեզ համար հանգամանքների պատահական բերում չէ, այլ ռազմավարություն է, որը գիտակցաբար որպես որոշում որդեգրված է Հայաստանի ժողովրդի կողմից»,- ասել է նա։

Փաշինյանի խոսքով՝ բոլոր բարեփոխումները, որ հնարավոր էր իրագործել՝ հենվելով միայն քաղաքական կամքի վրա, իրականացված են։

Բարեփոխումների հետագա ընթացքը ապահովելու համար, անհրաժեշտ է ինստիտուցիոնալ ու օրենսդրական ավելի մեծ ներդրում, հավելել է նա։

«Այս առումով ԵՄ-ի հետ մեր համագործակցությունը շատ կարևոր է»,- ընդգծեց Նիկոլ Փաշինյանը։