Գիշերային հարվածներ Ուկրաինայում․ Զելենսկին հայտնում է ենթակառուցվածքների վնասների մասին

Ուկրաինայի նախագահ Վլադիմիր Զելենսկին հայտարարել է, որ գիշերային հարվածների հետևանքով վնասվել են մի շարք կարևոր ենթակառուցվածքներ երկրի տարբեր շրջաններում։ Իր Telegram-յան գրառմամբ նա նշել է, որ հարվածների թիրախում են եղել Դնեպրոպետրովսկի, Պոլտավայի և Խարկովի մարզերը։

Զելենսկու խոսքով՝ Դնեպրոպետրովսկի մարզում վնասվել է կրիտիկական ենթակառուցվածք, մասնավորապես՝ Պավլոգրադ քաղաքում վնասվել է էլեկտրահաղորդման գիծը։ Նա նաև հայտնել է հարվածների մասին Զապորոժիեի և Կիևի մարզերում, ինչպես նաև լրացուցիչ վնասների մասին Խարկովի շրջանում։

Ավելի վաղ ռուսական աղբյուրները նշել էին, որ Ռուսաստանի զինված ուժերը մայիսի 5-ի գիշերը հարվածներ են հասցրել Ուկրաինայի մի քանի մարզերի ուղղությամբ։ Նշվում էր, որ Կիևի մարզում բռնկվել է հրդեհ արդյունաբերական օբյեկտում, իսկ Խարկովում հարված է հասցվել երկաթուղային կազմին։