Բժիշկը բացատրել է՝ ինչու է ճանապարհորդության ընթացքում հաճախ զարգանում «ճանապարհորդի փորլուծությունը»
Հասարակություն
Վարակաբան, բժշկական գիտությունների դոկտոր Վլադիմիր Ներոնովը բացատրել է, թե ինչու արձակուրդի ընթացքում մարդկանց մոտ հաճախ զարգանում են սուր աղիքային վարակներ, որոնք հայտնի են որպես «ճանապարհորդի փորլուծություն»։
Մասնագետի խոսքով՝ հիմնական պատճառները բակտերիաներն են, վիրուսները կամ այլ միկրոօրգանիզմները, որոնք օրգանիզմ են ներթափանցում աղտոտված ջրի, սառույցի, վատ լվացված մրգերի և բանջարեղենի, փողոցային սննդի կամ երկար ժամանակ չսառեցված սննդի միջոցով։
Բժիշկը նշել է, որ ռիսկն աճում է, եթե մարդը սնվում է կասկածելի վայրերում, խմում է ծորակի ջուր կամ անտեսում ձեռքերի հիգիենան։ Նա ընդգծել է, որ նման խնդիր կարող է առաջանալ նույնիսկ այն մարդկանց մոտ, ովքեր նախկինում աղեստամոքսային խնդիրներ չեն ունեցել։
Ռիսկը նվազեցնելու համար մասնագետը խորհուրդ է տվել օգտագործել միայն շշալցված կամ եռացված ջուր, ընտրել լավ ջերմամշակված ու թարմ պատրաստված սնունդ, ինչպես նաև հաճախ լվանալ ձեռքերը կամ կիրառել ախտահանիչ միջոցներ։
ՈՒՂԻՂ ԵԹԵՐ
Ամենադիտված 
Սոչի մեկնող ինքնաթիռը ճանապարհին անցկացրել է մեկ օր, սակայն տեղ չի հասել
