Հայ-ադրբեջանական հարաբերություններում առկա է դրական օրակարգ, թեև ժամանակ առ ժամանակ հնչում են ապակառուցողական բնույթի հայտարարություններ. Մնացական Սաֆարյան

ՀՀ արտաքին գործերի փոխնախարար Մնացական Սաֆարյանը, անդրադառնալով Ադրբեջանի կողմից հնչող հայտարարություններին և գործողություններին, նշել է, որ հայ-ադրբեջանական հարաբերություններում առկա է դրական օրակարգ, թեև ժամանակ առ ժամանակ հնչում են նաև ապակառուցողական բնույթի հայտարարություններ։

Նրա խոսքով՝ եթե անհրաժեշտություն առաջանա, ՀՀ ԱԳՆ-ն համապատասխան արձագանք կտա։

«Եթե արձագանքի կարիք տեսնենք, անպայման կարձագանքենք»,- ասաց Սաֆարյանը։

Լրագրողների հարցին, թե արդյոք լռությունը չի կարող ընկալվել որպես Ադրբեջանի հայտարարությունների լեգիտիմացում, փոխնախարարը պատասխանեց, որ այս պահին նման անհրաժեշտություն չեն տեսել, ուստի պաշտոնական արձագանք չի տրվել։