Զելենսկին հայտարարել է, որ հուլիսի 2-ի հարձակումը պատերազմի ամենամասշտաբայիններից մեկն էր

Ուկրաինայի նախագահ Վոլոդիմիր Զելենսկին հայտարարել է, որ հուլիսի 2-ի գիշերը Ուկրաինայի վրա իրականացված հարձակումը պատերազմի սկզբից ի վեր ամենամասշտաբայիններից մեկն էր։ Նրա խոսքերը փոխանցել է «ТСН» հեռուստաալիքը։

Զելենսկու խոսքով՝ հարձակման ընթացքում Ռուսաստանի կողմից կիրառվել են տարբեր տեսակի շուրջ 70 հրթիռ և գրեթե 500 անօդաչու թռչող սարք, իսկ հիմնական թիրախը եղել է Կիևը։ Նա ընդգծել է, որ այս հարվածը առանձնացել է իր ծավալներով և ինտենսիվությամբ։

Իր հերթին Ռուսաստանի պաշտպանության նախարարությունը հայտնել էր, որ իրականացրել է զանգվածային հարված Ուկրաինայի ռազմական օբյեկտների ուղղությամբ՝ այն որակելով որպես պատասխան Ուկրաինայի զինված ուժերի կողմից Ռուսաստանի քաղաքացիական ենթակառուցվածքների դեմ իրականացված հարձակումներին։