Պաշտոնական. Ման Սիթին կատարեց իր պատմության ամենաթանկարժեք տրանսֆերը
Սպորտ
«Մանչեսթեր Սիթին» իր պաշտոնական կայքում հայտնել է, որ ակումբը համաձայնության է եկել «Նոթինգհեմ Ֆորեսթի» կենտրոնական կիսապաշտպան Էլիոթ Անդերսոնի տրանսֆերի շուրջ։
Հաղորդվում է, որ 23-ամյա կիսապաշտպանն արդեն բարեհաջող անցել է բուժզննումը։ Տրանսֆերի հետ կապված բոլոր ձևականությունները վերջնականապես կկարգավորվեն այն բանից հետո, երբ Անգլիայի ազգային հավաքականի խաղացողը Հյուսիսային Ամերիկայից կվերադառնա հայրենիք։
««Մանչեսթեր Սիթիի» ողջ անձնակազմը Էլիոթին և Անգլիայի հավաքականին հաջողություն է մաղթում աշխարհի առաջնությունում, և մենք անհամբերությամբ սպասում ենք նրան Մանչեսթերում ողջունելու հնարավորությանը»,- նշված է ակումբի տարածած հաղորդագրության մեջ։
Ավարտված մրցաշրջանում Անդերսոնը «Նոթինգհեմ Ֆորեսթի» կազմում անցկացրած 50 հանդիպումներում դարձել է 4 գոլի և 5 արդյունավետ փոխանցման հեղինակ: Հիշեցնենք, որ այս խոշոր գործարքի արժեքը գնահատվում է 116 միլիոն ֆունտ ստերլինգ (շուրջ 135 միլիոն եվրո)։ Այս մասին հայտնում է Armsport-ը:
ՈՒՂԻՂ ԵԹԵՐ
Ամենադիտված 
Ավտոմեքենայում հայտնաբերվել է առողջապահության նախկին նախարար, վիրաբույժ Գագիկ Ստամբուլցյանի մարմինը
