«Ահա դրա համար էլ ես նրան սիրում եմ». Թրամփ
ԱՄՆ
ԱՄՆ նախագահ Դոնալդ Թրամփը ՆԱՏՕ-ի գլխավոր քարտուղար Մարկ Ռյուտեի հետ հանդիպման ընթացքում քննադատել է իր նախորդներին՝ հայտարարելով, որ նրանք չեն կարողացել հասնել դաշինքի անդամ երկրների ռազմական ծախսերի ավելացմանը։ Հանդիպումը տեղի է ունեցել Անկարայում անցկացվող ՆԱՏՕ-ի գագաթնաժողովի շրջանակում։
Թրամփի խոսքով՝ նախկին նախագահներ Ջո Բայդենը, Բարաք Օբաման և Ջորջ Բուշը չեն կարողացել դաշնակիցներին պարտավորեցնել ավելի մեծ ներդրումներ կատարել պաշտպանության ոլորտում։
Ի պատասխան՝ Մարկ Ռյուտեն հայտարարել է, որ հենց Թրամփին է հաջողվել հասնել այն արդյունքին, որին, նրա խոսքով, դեռ ԱՄՆ նախագահ Դուայթ Էյզենհաուերն էր ձգտում՝ հավասարեցնել Եվրոպայի և ԱՄՆ-ի ռազմական ծախսերի բեռը։
«Դուք դարձաք առաջին նախագահը, որին դա հաջողվեց», — ասել է Ռյուտեն։
Թրամփը, արձագանքելով այս խոսքերին, կատակով նշել է. «Ահա դրա համար էլ ես նրան սիրում եմ»։
Ավելի վաղ ԱՄՆ նախագահը քննադատել էր ՆԱՏՕ-ին՝ Գրենլանդիայի և Իրանի շուրջ տարաձայնությունների ֆոնին, ինչպես նաև դժգոհություն հայտնել Իսպանիայի դիրքորոշումից՝ հայտարարելով, որ Վաշինգտոնը չի ցանկանում շարունակել առևտրային հարաբերությունները Մադրիդի հետ նույն ձևաչափով։
ՈՒՂԻՂ ԵԹԵՐ
Ամենադիտված 
Ո՞րն է սիրված արտիստ Արտաշես Ալեքսանյանի մահվան պատճառը. հայտնի են մանրամասներ
