Bloomberg․ Թրամփը ՆԱՏՕ-ի գագաթնաժողովում Եվրոպայից պահանջել է ավելի շատ հարգել ԱՄՆ-ին

ԱՄՆ նախագահ Դոնալդ Թրամփը ՆԱՏՕ-ի գագաթնաժողովի փակ նիստում կոչ է արել եվրոպական երկրներին ավելի մեծ հարգանք ցուցաբերել Միացյալ Նահանգների նկատմամբ և ավելացնել պաշտպանական ծախսերը։ Այդ մասին հայտնում է Bloomberg-ը՝ հղում անելով իր աղբյուրներին։

Գործակալության տվյալներով՝ Թրամփի ելույթում կարևոր տեղ է զբաղեցրել նաև Իրանի թեման։ Նա կրկնել է, որ այլևս չի ցանկանում շարունակել բանակցությունները Թեհրանի հետ, իսկ այնուհետև հայտարարել է, որ եվրոպական դաշնակիցները պետք է ավելի մեծ ներդրում կատարեն իրենց պաշտպանության գործում և վերանայեն ԱՄՆ-ի նկատմամբ իրենց վերաբերմունքը։

Ավելի վաղ Politico-ն հայտնել էր, որ ԱՄՆ-ի դաշնակիցները սպասում էին, թե Թրամփը Անկարայում կայացած ՆԱՏՕ-ի գագաթնաժողովին կներկայանա փոխզիջումների պատրաստ տրամադրվածությամբ, սակայն բախվել են նրա կոշտ դիրքորոշմանը դաշինքի քաղաքականության վերաբերյալ։

Նախօրեին ԱՄՆ նախագահը նաև հայտարարել էր, որ Վաշինգտոնի և Թեհրանի միջև գործող հրադադարի ռեժիմն այլևս ուժի մեջ չէ՝ վերջին փոխադարձ ռազմական հարվածներից հետո։