Օմանում Իրանի հարցով բանակցություններ կանցկացվեն առանց ԱՄՆ ներկայացուցիչների
ԱՄՆ
ԱՄՆ ներկայացուցիչները չեն մեկնի Օման՝ Իրանի շուրջ նախատեսված բանակցություններին մասնակցելու համար, սակայն Վաշինգտոնը կշարունակի կապ պահպանել Օմանի և Կատարի միջնորդների հետ։ Այս մասին հայտնում է CBS-ը։
Ավելի վաղ հեռուստաալիքը տեղեկացրել էր, որ ԱՄՆ նախագահ Դոնալդ Թրամփը հանձնարարել է իր բանակցային թիմին շարունակել շփումները Թեհրանի հետ։ Թիմում ընդգրկված են փոխնախագահ Ջեյ Դի Վենսը, նախագահի հատուկ բանագնաց Սթիվ Ուիթքոֆը, պետքարտուղար Մարկո Ռուբիոն և Թրամփի փեսա Ջարեդ Քուշները։
Սակայն, CBS-ի լրագրող Ջենիֆեր Ջեյքոբսի փոխանցմամբ, նշված պաշտոնյաներից ոչ մեկը չի մասնակցի Օմանում նախատեսված հանդիպումներին։
«Փոխնախագահ Ջեյ Դի Վենսը, Մարկո Ռուբիոն, Ջարեդ Քուշները և Սթիվ Ուիթքոֆը չեն մեկնի Օման։ Բացի այդ, այնտեղ չի գտնվի նաև ամերիկյան տեխնիկական բանակցային խումբը։ Այնուամենայնիվ, ԱՄՆ-ը կշարունակի հեռակա կապ պահպանել Օմանի և Կատարի պաշտոնյաների հետ՝ բանակցային գործընթացի ընթացքում», – գրել է Ջեյքոբսը սոցիալական ցանցերում։
ՈՒՂԻՂ ԵԹԵՐ
Ամենադիտված 
«Մարինան նույնպես չկարողացավ հաղթել այդ չարիքին». Իրինա Թովմասյանը ցավալի լուր է հայտնել
