«Քանաքեռցի Տույի»` Արթուր Ղազարյանի, սպանnւթյան դեպքից հինգ տարի անց կհրապարակվի դատավճիռը

Քանաքեռում քրեական հեղինակություն Արթուր Ղազարյանի՝ «Քանաքեռցի Տույի», ԱԺ նախկին պատգամավոր Արտուշ Սիմոնյանի և ևս երկու անձի սպանությունից շուրջ հինգ տարի անց գործի քննությունը մոտենում է ավարտին։

Մեղադրող և տուժող կողմը ճառով պահանջել են մեղավոր ճանաչել գործով անցնող անձանց, պաշտպանության կողմը՝ արդարացնել։ Երևանի ընդհանուր իրավասության քրեական դատարանում՝ դատավոր Մանվել Շահվերդյանի նախագահությամբ, առաջիկա օրերին կհրապարակի վերդիկտը։

Սպանությունը տեղի է ունեցել 2021թ․ նոյեմբերին՝ Քանաքեռում։ Դեպքի ժամանակ սպանվել է չորս անձ, այդ թվում՝ Արթուր Ղազարյանը և Արտուշ Սիմոնյանը։ Սպանությունը եղել է հենց վերջինիս տանը։

Շուրջ չորս տարի տևած քննության ընթացքում դատարանն անթույլատրելի է համարել տան բակում տեղակայված տեսախցիկներով արձանագրված տեսանյութը, որտեղ, ըստ տուժող կողմի, արտացոլված է, որ առաջին կրակոցը տուժող կողմից չի եղել։