Ծնելիության մակարդակի բարձրացումից զատ՝ մեզ համար կարևոր է զարգացնել մարդկային կապիտալը․ ԱՍՀ նախարար

Աշխատանքի և սոցիալական հարցերի նախարար Նարեկ Մկրտչյանը մասնակցել է Համաշխարհային հայկական գագաթնաժողովի «Հայաստանի կայուն զարգացում և Սփյուռքի ներուժի ներգրավում» խորագրով նախարարական պանելային քննարկմանը։    

Իր ելույթում նախարար Մկրտչյանը ներկայացրել է աշխատանքի և սոցիալական պաշտպանության ոլորտում իրականացված ու նախատեսվող բարեփոխումները, մասնավորապես՝ անդրադառնալով ժողովրդագրության, աշխատանքի և զբաղվածության, ինչպես նաև թվայնացման ոլորտներում առկա մարտահրավերներին, իրականացվող աշխատանքին և հեռանկարներին։  

Քննարկման շրջանակում նախարարը խոսել է ժողովրդագրության ռազմավարությամբ սահմանված գերակայությունների մասին՝ նշելով, որ փաստաթղթի առանցքում 4 առաջնահերթություններ են՝ ընտանիքի բարեկեցությունը խթանող միջավայրի ստեղծում, ծնելիության մակարդակի բարձրացում, ակտիվ և առողջ ծերության պայմանների ապահովում, ինչպես նաև էմիգրացիայի հանգեցնող դրդապատճառների նվազեցում․ այս տեսլականի իրագործման նպատակով՝ նախատեսվում է իրականացնել շուրջ 190 միջոցառում։ Նարեկ Մկրտչյանը նաև նշել է, որ ռազմավարությունն առաջիկայում կներկայացվի Կառավարության հավանությանը։  

«Ծնելիության մակարդակի բարձրացումից զատ՝ մեզ համար կարևոր է ստեղծել այնպիսի միջավայր, որը հնարավորության կտա զարգացնել մարդկային կապիտալն ու խթանել ընտանիքների բարեկեցությունը։ Ժողովրդագրության ռազմավարության մշակմանը զուգահեռ՝ երեխա ունեցող ընտանիքների սոցիալական երաշխիքների ապահովման նպատակով՝ ԱՍՀ նախարարությունը շարունակում է իրականացնել երեխա ունեցող ընտանիքների բնակարանային ապահովման, ընտանիքում երրորդ և հաջորդ երեխա ունեցող ընտանիքների աջակցության և մի շարք այլ ծրագրեր»,- ասել է նախարարը։  

Անդրադառնալով մարդկային կապիտալի արդյունավետ օգտագործման կարևորությանը՝ Նարեկ Մկրտչյանն ընդգծել է նաև աշխատանքի և զբաղվածության ոլորտում մշակվող ռազմավարության կարևորությունը։ Նա նշել է, որ փաստաթղթում որպես հիմնանպատակ է սահմանվել զբաղվածության խթանումը՝ մրցունակ և զբաղունակ աշխատուժի ձևավորման և բարձր արտադրողական աշխատանքային հնարավորությունների ընդլայնման միջոցով։ Արդյունքում՝ ոլորտի քաղաքականության իրականացման համար թիրախային խմբեր են սահմանվել մարզային քաղաքները ներառող համայնքների աշխատանքային տարիքի քաղաքացիները, 18-29 տարեկան չսովորող, չաշխատող երիտասարդները և միջին տարիքի չաշխատող կանայք։ Այս համատեքստում նախարարն ընդգծել է, որ մինչ ռազմավարությամբ նախատեսվող միջոցառումների մեկնարկը՝ Աշխատանքի և սոցիալական հարցերի նախարարությունն իրականացրել է որոշ պիլոտային ծրագրեր, ինչպես օրինակ՝ «Կանանց աքսելերատոր»-ը և «Պլատֆորմ #5»-ը, որոնք որոշակի օրինակ են ծառայել այլ երկրների համար։  

Պանելային քննարկման ընթացքում նախարար Մկրտչյանն անդրադարձել է նաև սոցիալական ծառայությունների թվայնացման կարևորությանը՝ ներկայացնելով ճգնաժամային իրավիճակներում թվային գործիքների կիրառման հաջողված փորձն ու այդ ուղղությամբ տարվող աշխատանքները։      

Այս թեմայով Տղամարդը իր տան աշխատակցուհիներին ամիսներով փակել է վանդակում՝ սեռական հաճույք ստանալու համար Գերմանիայում այլևս գազի պակաս չկա. Գերմանիայի էկոնոմիկայի նախարար ՆԱՏՕ-ն տհաճ անակնկալ է պատրաստել Ռուսաստանի համար Բեռնափոխադրում և ուղևորափոխադրում իրականացնողների համար կսահմանվեն նոր պահանջներ Հայաստանը կփորձի նոր ատոմակայանը կառուցել մինչև գործող ատոմակայանի ժամկետի ավարտը․ ՏԿԵ նախարար Լրացուցիչ վարկային միջոցներ՝ խաղողի մթերումների գործընթացը կազմակերպելու համար Հակակոռուպցիոն կոմիտեում քննվող վարույթը համարում եմ փաստացի հետապնդում իմ արտահայտած կարծիքի համար․ Թագուհի Թովմասյան Աստղագուշակ՝ սեպտեմբերի 19-ի համար Սամվել Շահրամանյանը ծաղիկներ է խոնարհում Արցախի համար կյանք տված հայորդիների շիրիմներին (տեսանյութ) Ցանկալի կլիներ, որ Հայոց ցեղասպանության ճանաչումն ազդեր Հայաստանում անվտանգության մակարդակի բարձրացման վրա. Սինանյան