Թուրքիայում աշակերտուհին ծննդաբերել է ու երեխային նետել պետքարանը

Թուրքիայում փրկել են երեխային, որին 15-ամյա աղջիկը ծննդաբերել է Հողային կադաստրի գրասենյակի զուգարանում։ Այս մասին հայտնում է Haberturk.com-ը։

Միջադեպը տեղի է ունեցել Բալիկեշիրում։ Այցելուներից մեկը հաստատության զուգարանում հայտնաբերել է նորածին տղային և անմիջապես հավաքարարուհուն հայտնել դրա մասին։ Անձնակազմը վերցրել է երեխային և դիմել ոստիկանություն։

Տեսանկարահանող սարքերի ֆիքսած կադրերը դիտելուց հետո պարզվել է, որ երեխային զուգարանում ծննդաբերել է 15-ամյա այցելուն, ով գրասենյակ է եկած եղել հոր և տատիկի հետ։ Երբ ընտանիքը ժամանել էր շենք, նորածինը նրանց հետ չէր եղել։

Դեպքից հետո երիտասարդ մայրը, հայրն ու տատիկը բերման են ենթարկվել։ Տղան ներկայումս գտնվում է հիվանդանոցում։