Մանուկ Վարդանյանը ներկայացրել է 2012-ի գերակայությունները

ՀՀ տրանսպորտի եւ կապի նախարար Մանուկ Վարդանյանը փետրվարի 1-ին կայացած ասուլիսում ներկայացրել է նախարարության 2012թ.-ի գերակայությունները, ծրագրերը եւ անելիքները:

ՀՀ կառավարության կողմից այս տարի նախարարության համար սահմանվել են 4 գերակա ուղղություններ.
1.Վանաձոր-Ֆիոլետովո նոր երկաթգծի կառուցման նախագծային աշխատանքների ավարտում եւ շինարարության նախապատրաստական աշխատաքների իրականացում:
2. «Հյուսիս-հարավ» ճանապարհային միջանցքի նեդրումային ծրագրի Տրանշ 1
(Երեւան-Աշտարակ, Երեւան-Արարատ), Տրանշ 2 (Աշտարակ-Թալին) շինարարական աշխատանքների մեկնարկում, ինչպես նաեւ Տրանշ 3 (Թալին-Գյումրի) շինարարական կազմակերպության ընտրության մրցույթի նախապատրաստում, «Հյուսիս-հարավ» ճանապարհային միջանցքի ներդրումային ծրագրով նախատեսված ամբողջ ծրագրի հաստատում:
3. «Հայավտոկայարան» փակ բաժնետիրական ընկերությունը կոնցեսիոն պայմանագրով փոխանցելու կամ վարձակալության հանձնելու գործընթացի իրականացում:
4. Ռադիոհեռուստատեսային հեռարձակման թվային համարկարգին անցնելու միջոցառումների ծրագրի արդյունավետ իրականացում:

Նախարար Մ. Վարդանյանը ներկայացրել է նաեւ ճանապարհաշինարարական ընթացիկ, ինչպես նաեւ արդեն հաստատված՝ դեպի Վրաստանի սահման երկու մայրուղիների վերակառուցման ծրագրերը: Նախարարը հայտնել է, որ առաջին անգամ, այս տարվա հունվար ամսից, սկսվել է սուրհանդակային ծառայության լիցենզավորման գործընթացը: