Բարձրաստիճան ոստիկանի եղբոր ինքնասպանության գործը քննելու է ՀՔԾ–ն

Ինչպես տեղեկացրել էր shamshyan.com-ը, օրերս ինքնասպանության փորձ էր կատարել Երևանի բնակիչ Ցոլակ Թանգամյանը, ով տեղափոխվել էր հիվանդանոց, որտեղ էլ մահացել էր:

Այսօր՝ հուլիսի 27-ին, էլեկտրոնային լրատվամիջոցներում տեղեկություն տարածվեց, որ ինքնասպանություն գործելուց առաջ Ց. Թանգամյանը նամակ է հղել ՀՀ նախագահին, գլխավոր դատախազին, Ազգային անվտանգության ծառայության պետին և ՀՀ Ոստիկանապետին, ինչպես նաև «Հրապարակ» օրաթերթին:

Ներկայացնում ենք նամակը.

«ՀՀ նախագահ պարոն Ս. ՍԱՐԳՍՅԱՆԻՆ,

ՀՀ գլխավոր դատախազ պարոն Ա. ՀՈՎՍԵՓՅԱՆԻՆ,

ՀՀ ԱԱԾ պետ պարոն Գ. ՀԱԿՈԲՅԱՆԻՆ, ՀՀ ոստիկանապետ պարոն Վ. ԳԱՍՊԱՐՅԱՆԻՆ,

«Հրապարակ» օրաթերթի խմբագիր Ա. ՕՀԱՆՅԱՆԻՆ

Հարգելի պարոններ, ձեզ հայտնում եմ առ այն մասին, որ ինձ` Ցոլակ Երջանիկի Թանգամյանիս, հետապնդում են 1994-ից մինչ այսօր Սամվել Հրաչիկի Հունանյանը եւ Արթուր Վիրաբյանը' խլելով ինձանից Կիեւյան 2ա-ի 176 քմ տարածքը եւ նույն ձեւով խլում են Կիեւյան 2ա-ի 124 քմ իմ տարածքը եւ հիմա էլ քրեական հետապնդում են իրականացնում' իրենց բարձրաստիճան մտերիմների հետ:

Սամվել Հունանյանը եղել է ոստիկանության նախկին բարձրաստիճան աշխատող, որը հեռացվել եւ չինազրկվել է հրաման չկատարելու համար 2008 թ.-ին: Իսկ ինչ վերաբերում է Քաջազնունու փողոցի 4շ. 13բ., 6-րդ տարին է' չեմ կարող լինել իմ բնակարանի կամ գումարի տերը, որում անմիջական դեր են խաղացել Երեւան քաղաքի ոստիկանության քննիչ Աշոտ Կոստանյանի եւ Երեւան քաղաքի դատախազի տեղակալ Սասուն Խաչատրյանի անմիջապես մասնակցությամբ:

Այս բոլոր նյութերը կան Կենտրոն եւ Արաբկիր դատարաններում, ինչպես նաեւ Կենտրոն ոստիկանության քննչական բաժնում` քննիչ Լեւոն Թաթյանի մոտ, որոնք լրիվ անարդարության եւ շարունակական հետապնդումների արդյունք են:

Խնդրում եմ մանրակրկիտ ուսումնասիրել եւ համապատասխան պատիժներ տալ նման անարժան բարձրաստիճան աշխատակիցներին: Ես բազմիցս բացականչել եւ տեղյակ եմ պահել ձեզ բոլորիդ: Այսքան անարդարություններից հետո ես չեմ կարող ապրել, որ տարիներ շարունակ ձգձգվում են ու շարունակվում են հետապնդումները: Ց. ԹԱՆԳԱՄՅԱՆ 23.07.2013թ»: Ինչպես ավելի վաղ հայտնել էր ֆոտոլրագրող Գագիկ Շամշյանը, հուլիսի 26-ին Էրեբունու բժշկական կենտրոնի վերակենդանացման բաժանմունքում մահացավ Երևանի բնակիչ, 64-ամյա Ցոլակ Թանգամյանը: Հուլիսի 23-ին՝ ժամը 14:30-ի սահմաններում, Միքայելյանի անվան վիրաբուժական ինստիտուտից ոստիկանության Արաբկիրի բաժին հայտնել էին, որ կրծքավանդակի մասում ստացած հրազենային վնասվածքով իրենց մոտ է տեղափոխվել մի տղամարդ:

Ֆոտոլրագրողի տեղեկություններով, հիվանդանոց մեկնած ոստիկանության Արաբկիրի բաժնի օպերատիվ-քննչական խումբը՝ բաժնի պետ Գրիշա Ամիրխանյանի և քննիչ Խաչատրյանի գլխավորությամբ, պարզել էին, որ հիվանդանոց տեղափոխված անձը 64-ամյա Ցոլակ Թանգամյանն էր, ով, ըստ տեղեկությունների, Ղափանցյան փողոցի իր տան հյուրասենյակում ինքնասպանություն գործելու նպատակով իրեն պատկանող Сайга М/К տեսակի 7.62 մմ տրամաչափի հրազենով կրակել էր իր կրծքավանդակին:

Շարունակությունն` այստեղ: