«ԻԱԿ»–ը դատի կտա «Փարքինգ Սիթի Սերվիս»-ին

«Ինֆորմացիայի ազատության կենտրոնը» Երևան քաղաքում ավտոկայանատեղիների հետ կապված հարցերով զբաղվող «Փարքինգ Սիթի Սերվիս» ընկերությանը հարցում էր կատարել իրենց գործունեության մասին: Ի պատասխան «Փարքինգ Սիթի Սերվիս»-ից գրել էին.

«Ի պատասխան Ձեր 26.07.2013թ. թիվ 2014-ի 4 հարցմանը, հայտնում ենք, որ «Փարկինգ Սիթի Սերվիս» ՓԲ ընկերությունը (հետայսու՝ Ընկերություն) «Տեղեկատվության ազատության մասին» ՀՀ օրենքի 3-րդ հոդվածի համաձայն՝ հանրային նշանակության կազմակերպություն չէ, քանի որ Ընկերությունը հանրությանը ծառայություններ չի մատուցում և ապրանքային շուկայում մենաշնորհ կամ գերիշխող դիրք չունի, հետևաբար, «տեղեկատվության ազատության մասին» ՀՀ օրենքն Ընկերության վրա չի տարածվում, և Ընկերությունը պարտավորություն չունի տրամադրելու Ձեզ տեղեկատվություն»:

Այս խնդրի մասին «Ինֆորմացիայի ազատության կենտրոնի» նախագահ Շուշան Դոյդոյանը Facebook սոցցանցի իր էջում գրել .

«Parking City Service-ը համարում է, որ ինքը հանրությանը ծառայություններ չի մատուցում եւ ուրեմն տեղեկություն տրամադրելու պարտականություն չունի։ Փաստորեն ծառայություն չի մատուցում, բայց մենք վճարում ենք։ Կարդացեք Ինֆորմացիայի ազատության կենտրոնին գրած իրենց գրությունը։ Այս գործով էլ ենք գնում դատարան»: