Վազգեն Խաչիկյանի գործով պաշտպանները հղի կնոջ գրությանը անհանդուրժողականությամբ արձագանքեցին

Երևանի Կենտրոն և Նորք-Մարաշ վարչական շրջանների ընդհանուր իրավասության դատարանում՝ նախագահությամբ դատավոր Մխիթար Պապոյանի, Սոցիալական ապահովության պետական ծառայության նախկին պետ Վազգեն Խաչիկյանի ու մյուսների գործով այսօրվա նիստում հարցաքննվեց դատակոչված 1 վկա՝ Երվանդ Սիմոնյանը, ով դատավարության մասնակիցներից ոչ մեկի չճանաչեց: Գործն առնչվում էր նրա հորը, ով վկայի խոսքով 1998թ.-ից գտնվում է ԱՄՆ-ում: Դատախազի այն հարցին, թե արդյոք վկայի հայրը մեկնելուց հետո շարունակել է կենսաթոշակ ստացանալ՝ վկան բացասական պատասխանեց: Այսօրվա միակ վկայի հարցաքննությունից հետո դատարանը հայտարարեց, որ 18 վկա էլ գրություն են ուղարկել դատարանին, որ այս կամ այն պատճառաբանությամբ չեն կարող ներկայանալ հարցաքննությանը՝ խնդրելով հիմք ընդունել նախաքննական ցուցմունքները: Վկաների գրություններում մասնավորապես նշվում էր, որ նրանք վատառողջ են, կամ բացակայում են Հայաստանից: Վատառողջ վկաների գրություններից մի քանիսի հետ կցված էր նաև վկայի հիվանդությունը հաստատող բժշկական տեղեկանք, ինչն էլ հիմք ընդունելով դատարանը ընթերցեց տվյալ վկաների նախաքննական մարմնին տված ցուցմունքները: Մյուսների դեպքում էլ դատավարության մասնակիցներն առարկեցին եւ դատարանն էլ գտավ, որ միայն գրությունը չի կարող հիմնավոր համարվել՝ վկաների բացակայությունը գնահատելով անհարգելի: Այդուհանդերձ՝ դատավոր Պապոյանը հայտարարեց, որ չեն շտապելու վկաներին բերման ենթարկելու որոշում կայացնել՝ հաշվի առնելով, որ նրանք մեծամասամբ տարեցներ են:

Մանրամասն՝ pastinfo.am-ում