ԱԺ պատգամավորը խախտել է ճանապարհային երթևեկության կանոնները (ֆոտո)

Ազգային ժողովի պատգամավոր Մնաց Մնացականյանը չգիտես ինչու չի հարգում իր կողմից ընդունված օրենքը: Երբ ճանապարհային ոստիկանները օրենսդիր մարմնի ներկայացուցիչներին փորձում են վարչական պատասխանատվության ենթարկել ճանապարհային երթևեկության կանոնների խախտման համար, որոշ պատգամավորներ հոխորտում են, թե իրենք ազգընտիր են և մտահոգված են ազգի ճակատագրով ու «գայ»-ի տեսուչը պետք է բացառություն անի և իրենց չտուգանի: Այս մասին գրում է shamshyan.com-ը:

Երեկ ֆոտոլրագրող Գագիկ Շամշյանը լուսանկարների շարք է արել, որով երևում է, թե ինչպես է Ազգային ժողովի պատգամավոր Մնաց Մնացականյանը և նրան սպասարկող Range Rover մակնիշի 015 OO 11 համարանիշի ավտոմեքենայի վարորդը Ապարան-Աշտարակ ավտոճանապարհին երթևեկում առանց ամրագոտու:

Եթե չեք հարգում ձեր իսկ ընդունած օրենքը, գոնե մտածեք ձեր անվտանգության մասին, քանի որ ինչպես ասել է վարչապետ Տիգրան Սարգսյանը, 21-րդ դարում ամրագոտի չկապելը «լոպազություն» չէ, իսկ կապելու դեպքում, վթարներից խուսափելու համար ապահովագրում եք ձեր կյանքը: 

Մանրամասները՝ այստեղ: