Անչափահաս կասկածյալին ծեծել են. ահազանգում է պաշտպանը
Իրավունք
16-ամյա անչափահաս, կողոպուտ կատարելու մեջ կասկածվող Էմիլ Հակոբյանին ոստիկանությունում ծեծել են: Այս մասին «Փաստինֆո»-ի թղթակցին այսօր հայտնեց նրա պաշտպան Արթուր Ալիխանյանը:
Ըստ նրա պաշտպանյալի հայտարարության՝ առաջին անգամ անչափահասին ծեծել են ոստիկանության Արաբկիրի բաժին բերման ենթարկվելու օրը՝ օգոստոսի 15-ին՝ բաժնի հերթապահ մասում:Անչափահասը, ըստ նրա վկայության, ծեծի է ենթարկվել նաև օգոստոսի 17-ի ուշ երեկոյան ձերբակալվածների պահման վայր տեղափոխվելու ճանապարհին՝ մեքենայի մեջ: Ծեծի հետևանքով, ըստ անչափահասի ու նրա պաշտպանի, աչքի տակ կարմրել է, որը, ըստ ամենայնի, կվերածվի կապտուկի, իսկ գլխին առկա են նաև կոշտուկներ:
Անչափահասը թեեւ ծեծողների անունները չգիտի, բայց «Փաստինֆո»-ին հայտնեց, որ դեմքով կճանաչի: Ծեծողներն, ըստ նրա, «քննչականի աշխատողներ են»:
Քննության խորթ մեթոդների մասին անչափահասի հայտարարությունը պաշտպանը ներկայացնելու է ՀՀ փաստաբանների պալատի նախագահի տեղակալ Արա Զոհրաբյանին, ապա միջոցներ կձեռնարկվեն միջադեպի առնչությամբ:
Անչափահասը պատրաստվում է նաև դիմել դատաբժշկին:
ՈՒՂԻՂ ԵԹԵՐ
Ամենադիտված 
Գագիկ Ծառուկյանից կբռնագանձվի 75 անշարժ գույք, 42 ավտոմեքենա, 105 միլիարդ 865 միլիոն 865 հազար դրամ
