Մայրը պնդում է, որ որդին երկու օր է` անօրինական պահվում է «Կոշ»-ի գաղութում

Այսօր` օգոստոսի 18-ին, shamshyan.com-ին է զանգահարել «Կոշ» ՔԿՀ-ի կալանավորներից Մանուկ Պողոսյանի մայրը, ով լացակումած պատմել է, որ արդեն երկու օր է, ինչ ավարտվել է իր որդու պատիժը կրելու ժամկետը, սակայն որդուն այդպես էլ տուն չեն ուղարկում:

«Տղաս սպանության համար դատապարտվել է 13 տարի ժամկետով դատապարտվածության, պատիժը կրելու օր է սահմանվել 11.12.2000 թ.-ը, պատժի ավարտը` 16.08.2013 թ.-ը: Տեղեկանք էլ ունեմ իրենց մոտից, դատավճռի պատճեն էլ ունեմ, որ պատժի ավարտը այս տարվա օգոստոսի 16-ին է լրանում: Ամսի 16-ին գնացի, որ տուն բերեմ, երեխուն չեն տվել անորոշ ժամանակով, ես էլ երեկ իմացել եմ, որ ինքը հացադուլի մեջ է, իր հետ նույն հոդվածով նստած տղա կար, ժամը 11-ին նրան բաց թողեցին, իսկ իմ երեխուն բաց չթողեցին»,-պատմեց կալանավորի մայրը:

Նշենք, որ ավելի վաղ Lurer.com-ի հետ զրույցում Արդարադատության նախարարության քրեակատարողական վարչության հասարակայնության հետ կապերի պատասխանատու Գոռ Ղլեչյանն ասել էր, որ դատապարտյալին և նրա հարազատներին ասվել և բացատրվել է իրավիճակը:

Մանրամասները՝ այստեղ: