«Չի բացառվում` Ավետիք Բուդաղյանը հետմահու քրեական պատասխանատվության ենթարկվի»

2013թ. հունիսի 1-ին Սյունիքի նախկին մարզպետ Սուրիկ Խաչատրյանի առանձնատան մոտ տեղի ունեցած իրադարձությունների փաստի առթիվ հարուցված քրեական գործով մեղադրյալներ Տիգրան Խաչատրյանի և Զարզանդ Նիկողոսյանի նկատմամբ քրեական հետապնդումը դադարեցնելու մասին որոշումը վերջին մարտահրավերն է հայ ժողովրդին: «Առաջին լրատվական»-ի հետ զրույցում նման տեսակետ հայտնեց Գորիսի նախկին քաղաքապետ Սուրեն Հարությունյանը:

«Մենք կերտում ենք ոչ թե ազատ և անկախ պետություն, այլ վառ արտահայտված ավազակապետություն: Ես այդ գնահատականը դեռ 2003-ին եմ տվել: Այսպիսով, նրանք ուզում են ասել' սա ոչ թե ձեր հայրենիքն է, այլ իշխող բիրտ ռեժիմի վայրի կամայականությունների, արտասովոր ոճրագործ ընտանիքի փորձադաշտը: Սա, ըստ էության, ժողովրդին ձեռնոց նետել է, մեզ հասկացնում են' կամ այստեղ պիտի մեռնեք, կամ օր առաջ արտագաղթեք: Սելը ճռռալու փոխարեն հիմա սելվորն է ճռռում»,- ասաց նա:

Հարությունյանը նկատեց, որ հայոց բանակի լավագույն զորահրամանատար, գնդապետ Արտակ Բուդաղյանի հետագա ճակատագիրն ամբողջությամբ կախված է Սուրեն Խաչատրյանի կնոջ' Լորետա Խաչատրյանի վերաբերմունքից' նա կբողոքի՞ իբրև տուժող, թե՞ ոչ: Նախկին քաղաքապետը չբացառեց, որ Արտակ Բուդաղյանին քրեական պատասխանատվության կենթարկեն, եթե նա իրեն «խելոք չպահի», գուցե նաև ազատազրկեն: Խելոք պահելն, ըստ Հարությունյանի, առաջին հերթին նշանակում է' Բուդաղյաններն այլևս չպիտի բողոքեն:

«Օրեր առաջ Էմիլ Բուդաղյանը միամտաբար հավատ էր ընծայել և բաց նամակով դիմել էր նախագահին' սպասելով ցուցումների: Կարծում եմ' արդեն նա ևս հասկանում է, որ այդ ցուցումը վաղուց տրված է: Մեր վերջին տարիների մեծագույն ոճրագործներից մեկը շատ ավելին արժե, քան հայոց բանակի լավագույն զորահրամանատարներից մեկը»,- ասաց նա:

Մանրամասները` այստեղ: