Հրանտ Բագրատյանը՝ տնտեսական աճի մասին (տեսանյութ)

«ՀՀԿ–ն հայտարարել էր, թե ՀՆԱ–ն կավելացնի 2 անգամ՝ 200%-ով, 2008–ին ավելացել է 6.8%, 2009–ին՝ 14.5%-ով պակասել է, 2010–ին՝ աճել 1%, 5.9% 2011–ին է ավելացել, ունենք մինուս 0.8%... Եվ այս արարքի հեղինակը մայիսին գնում է ընտրությունների, իսկ ամենամեծ շեֆը գալիս է նախագահ», – երկրի տնտեսական վիճակը վերլուծելով՝ այսօր լրագրողների հետ հանդիպման ժամանակ ասաց նախկին վարչապետ Հրանտ Բագրատյանը։  «Վիճակը, որը գրում են, Հայաստանում նման վիճակ չկա»,–նշեց նա՝ օրինակ բերելով ներկայացված տնտեսական աճի մանրամասները։  

«Գրել են 5.9% աճ, որի 0.73–ը ԱՊՊԱ–ն է՝ ուղղակի, անուղղակի՝ 2% է, որովհետև այդ փողը, որը ստացել են ապահովագրական ընկերությունները, նրանց շահութաբերությունը՝ առանց կապիտալ ծախսերի, ավելի քան 50% է։ Եթե շուկա լիներ, նշանակովի բիզնես չլիներ, գինը կլիներ 9–9.5 հազար դրամ մեկ ավտոմեքենայի համար», – նշեց նա։ Նախկին վարչապետի համար անհասկանալի է, որ եթե դա նշանակովի բիզնես չի, ապա ինչո՞ւ այդ վճարումները չեն մտցնում պետական բյուջե՝ որպես տուրք։

Բագրատյանը անդրդարձավ նաև գյուղատնտեսությանը, որտեղ, ըստ կառավարության ներկայացրած տվյալների, 2011–ին գրանցվել է 14% աճ։ «Ավելացրել են ստից։ Օրինակ, խաղողը 110 հազար տոննա է արտադրված եղել, գրել են՝ 220 հազար տոննա»,–նշեց նա։

Բագրատյանի համար պարզ է, որ հնարավոր չէ «գյուղմթերքների գներն ավելանան արտադրությունը 14% աճի դեպքում, երբ մարդիկ պակասել են 1.5%-ով»։ Նախկին վարչապետը տարակուսանք է հայտնում, որ եթե ամբողջ արտադրվածըվաճառվել է, ապա «ինչու՞ մենք ունենք մանրածախ առևտի իջեցում»։