Հայաստանում փոքր և միջին բիզնեսի ձեռներեցներն իրենց տեղը չեն գտել
Տնտեսություն
«Հայաստանի մարզերում կանանց՝ որպես ձեռներեցների, տնտեսական մասնացությունը բավարար չէ»,- այսօր լրագրողների հետ կայացած հանդիպման ժամանակ ասաց Հայաստանի երիտասարդ կանանց ասոցիացիայի (ՀԵԿԱ) նախագահ Լիլիթ Ասատրյանը։
«Կանանց ձեռներեցության զարգացում ՀՀ-ում» ծրագրի շնորհիվ ՀԵԿԱ-ն նախատեսում է կազմակերպել կանանց տնտեսական մասնակցությունը խրախուսող միջոցառումներ, որոնց շրջանակներում ընդգրկված են լինելու ձեռներեց կանայք՝ առանց տարիքային սահմանափակումների և ՀՀ բոլոր մարզերից։
«Փոքր և միջին բիզնեսի զարգացմամբ է պայմանավորված տնտեսության կայունությունը, մեր երկրում փոքր և միջին բիզնեսի ձեռներեցներն իրենց տեղը չեն գտել։ Հարկավոր է աջակցել նրանց»,-նշեց բանախոսը։
Հաշվի առնելով ՀՀ մարզերի կանանց՝ որպես ձեռներեցներ, պասիվ ներգրավվածությունը տնտեսության ոլորտում, ՀԵԿԱ-ն պատրաստվում է իրականացնել «Սննդի ոլորտի կին հերոս» մրցույթը, որի նպատակն է խրախուսել ՀՀ-ում գյուղատնտեսության և ֆերմերային տնտեսության ոլորտի ձեռներեց կանանց։
Ասատրյանը նաև հավելեց, որ մրցույթին կարող են մասնակցել անսահմանափակ թվով կանայք։
ՈՒՂԻՂ ԵԹԵՐ
Ամենադիտված 
Կորուստ՝ Ալլա Լևոնյանի ընտանիքում
