Սկսնակ ձեռներեցների հիմնական դժվարությունն անտեղյակությունն է հարկային օրենսդրությունից
Տնտեսություն
«Հայաստանի մարզերում, Մեղրուց մինչև Նոյեմբերյան պատրաստվում ենք ուժեղացնել կին ձեռներեցների համայնքը։ Այսօր ՀՀ նույնիսկ հարևան մարզերի կին ձեռներեցներն անհաղորդակից են»,- նշեց Հայաստանի երիտասարդ կանանց ասոցիացիայի նախագահ Լիլիթ Ասատրյանը՝ այսօր կայացած ասուլիսի ժամանակ։
Նրա կարծիքով՝ մարզերի տարբեր կին ձեռներեցների միջև փորձի փոխանակումը, փորձառու և սկսնակ ձեռներեցների համագործակցությունը համայնքն ուժեղացնելու գրավականներից են։
«Սկսնակ ձեռներեցների հիմնական դժվարությունն անտեղյակությունն է հարկային օրենսդրությունից։ ՀԵԿԱ-ի նպատակներից է հատուկ դասընթացների միջոցով բարձրացնել պոտենցիալ ձեռներեցների իրազեկվածության մակարդակը՝ մասնավորապես մարզերում»- ընդգծեց բանախոսը։
Սկսնակ ձեռներեցները, նրա համոզմամբ, դժվարանում են նաև իրատեսական բիզնես ծրագրեր կազմելու հարցում։
«ՀԵԿԱ-ն, փորձելով սատարել կին ձեռներեցի, օրինակ, առաջարկելով իրատեսական բիզնես ծրագիր, ընդլայնել է Եղեգնաձորի համայնքի բնական հյութեր արտադրող ընկերության գործունեությունը»,- փաստեց Լ. Ասատրյանը։
ՈՒՂԻՂ ԵԹԵՐ
Ամենադիտված 
«Սա արդեն իսկական պատերազմի սկիզբ է»․ Լավրովը զգուշացրել է 
