ՀԱԿ 2012թ մարտի 1-ի հանրահավաքի ժամանակ առաջ քաշված տնտեսական պահանջներ

Տնտեսություն 1 Մարտ, 2012 19:57

ՀԱԿ 2012թ մարտի 1-ի հանրահավաքի ժամանակ առաջ քաշված տետեսական պահանջներն են.

1. Շեշտակիորեն պակասեցնել գործունեության այն տեսակների ցանկը, որոնք ենթակա են լիցենզավորման: Կտրուկ իջեցնել արտոնագրման թիվը: Գործնականում թողնել մարդու առողջության և իրավական պաշտպանության հետ կապված շուրջ 2 տասնյակից ոչ ավելի թույլտվության (արտոնագրման) տեսակներ: Ընդ որում բոլոր թույլտվությունների և արտոնագրությունների տրամադրումը պետք է լինի բացառապես էլեկտրոնային եղանակով:

2. Դադարեցնել ԿԲ կողմից ապահովագրական ընկերությունների գրանցման, կարգավորման ու վերահսկողության գործառույթները: Հետայսու ապահովագրական ընկերություններին ՀՀ ԿԲ առնչությունը նախատեսել միմիայն տնտեսական նորմատիվների սահմանման միջոցով: Ապահովագրական ընկերությունների գրանցման ու կարգավորման հիմնական գործառույթները հանձնել ՀՀ ֆիննախին, իսկ դրանց, ինչպես նաև վերահսկողության գործառույթները դնել ավանդների ապահովման հիմնադրամի վրա վերջինս ամբողջովին դուրս բերելով ՀՀ ԿԲ իրավասության տիրույթից:

3. ԱՊՊԱ համակարգի գծով անհապաղ հրաժարվել պետական կառավարման մարմնի (ՀՀ ԿԲ և ֆիննախ) կողմից ապահովագրավճարի սահմանումը: Վերջինիս իրացման բնականոն ձեր պետք է լինի Արգելել ապահովագրական ընկերությունների կապիտալի շեշտակի բարձրացումը առաջիկա 5 տարիների այն թողնելով 50-100 մլն դրամի շրջանակներում: Սույն ընկերությունների վերաապահովագրումը պարտադիր կարգով իրականացնել ՀՀ տարածքում: