Ուկրաինայի իրադրությանը ռազմական միջամտություն չի լինի. Լավրով
Աշխարհ
Ռուսաստանի արտաքին գործերի նախարար Սերգեյ Լավրովը Մոսկվայի միջազգային հարաբերությունների պետական ինստիտուտի ուսանողների ու դասախոսների հետ սեպտեմբերի 1-ին կայացած ավանդական ամենամյա հանդիպմանը հայտարարել է, որ Ուկրաինայի իրադրությանը ռազմական միջամտություն չի լինի, տեղեկացնում է «Արմենպրես»-ը՝ հղում անելով ԻՏԱՌ-ՏԱՍՍ-ին:
«Ռազմական միջամտություն չի լինի: Մենք հանդես ենք գալիս այդ ծանրագույն ճգնաժամը, այդ ողբերգությունը բացառապես խաղաղ ճանապարհով կարգավորելու օգտին»,- ընդգծել է Լավրովը:
«Այն ամենը, ինչ մենք անում ենք, նպատակամղված է հենց քաղաքական մոտեցման առաջշարժմանը: Ցավոք, մեր արևմտյան գործընկերները, ըստ իս, կուրացած են իրադրությամբ, և այն ամենը, ինչի մասին հայտարարում և ինչ անում են Ուկրաինայի ներկայիս իշխանությունները, ստանում է Արևմուտքի աջակցությունը»,- ասել է Լավրովը:
Նա նշել է, որ Վաշինգտոնը և Բրյուսելը պետք է պահանջեն Կիևից՝ դադարեցնել ծանր սպառազինության օգտագործումը խաղաղ բնակչության դեմ: «Գլխավորն այն է, որ Վաշինգտոնն ու Բրյուսելը Կիևից պահանջեն նույնը, ինչ նրանք պահանջում են մյուս բոլոր հակամարտություններում՝ դադարեցնել ծանր սպառազինության, օդուժի օգտագործումը քաղաքացիական օբյեկտների, խաղաղ բնակիչների դեմ»,- ընդգծել է ՌԴ ԱԳ նախարարը:
ՈՒՂԻՂ ԵԹԵՐ
Ամենադիտված 
Ով է Բաղրամյան փողոցում կյանքից զրկված 29-ամյա տղան
